mendoan >> banyumasan

Ganu-ganu tah nyong nelangsa banget pas awal-awal penempatan neng kene. Kayonge koh urip rekasaya banget. Wong urip neng kampung ben wis susah, ketambahan ngrantau tekan Endonesia Timur. Tapi mungkin wis dadi garising urip. daripada tulung-tulung lan nggresula ora uwis-uwis, mending “menikmati” apa sing ana. Bener apa ora kaya kuwe?

Nah, mumpung rame-rame ribut-ribut soal kenaikan rega BBM, neng kene misale, aku iseng-iseng takon-takon rega BBM neng Ternate.

Nek lenga latung alias minyak tanah sih normale neng kene ya Rp. 4000 tekan 4500, kawit ganu pancen regane semono. nah neng gas sing nggo masak, dudu sing metu sekang silit, neng kene isine baen nganti Rp. 150.000!!! Lha tabunge dewek nganti Rp. 400.000!!!

Nah, nggo kanca-kancane nyong sing neng kulon, arep bersyukur apa ora jajal????

Gambar dijukut sekang ngeneh.

Berbagi

Nyong bener-bener trenyuh. Nek lagi langka anak buahku neng kantor aku bisa mrebes mili nangis. Tapi wong masa lagi lembur neng kantor nyong nangis. Tek tahan-tahan rasane ilatku dadi pait banget.

“RUSIDAH, tak putus asa dengan kecacatan tubuh yang dialaminya sejak duduk di bangku sekolah dasar. Wanita yang hanya memiliki tangan sebatas lengan atas hingga siku ini, ternyata mampu menekuni profesi sebagai seorang fotografer, sebuah profesi yang sangat memerlukan kelihaian jari jemari tangan yang jelas-jelas tak dimilikinya.Selain menerima panggilan untuk mengabadikan berbagai momen seperti pernikahan dan acara-acara di lingkungan kantor pemerintahan Kabupaten Purworejo, Rusidah juga mengelola studio kecil, yang sebenarnya belum bisa dikatakan studio, di rumahnya di Desa Botorejo, Kecamatan Bayan, Kabupaten Purworejo.Keteguhan hati Rusidah untuk tak mau menyerah dengan nasib sebenarnya sudah terlihat sejak ia duduk di bangku sekolah dasar. Meskipun cacat, Rusidah bersikeras untuk terus sekolah dan ingin menjadi juru foto..”

Bener jere kyai kondang, langka sing sia-sia neng bumi. Langka sing jenenge cacad, kabeh ciptaane Gusti Allah pancen sempurna.

Nek pingin maca selengkape, klik neng kene.

NB : Matur Nuwun buat Mas Fotokalipaksi atas postingannya! Foto juga hak milik Mas Fotokalipaksi yang saya comot tanpa ijin. Maaf ya….

Berbagi

Wis kawit ganu nyong kondang bebeh alias sebel karo sing jenenge olah raga. Kawit cilikan pancen nyng ora bakat olah raga. Jaman SD sih nyong isih seneng. Saben sore bali sekolah isih sering dolanan bal-balan apa lomba mlayu. Tapi gara-gara keseringen dolanan bal-balan dirusuhi bocah-bocah sing lewih gede, didupak, diidek, ditlikung, dinyek, diledek, dipisuhi, nyong dadi madan-madan males dolanan bal-balan.

Soal mlayu, aku pas cilik lumayan juara. Angger kon mlayu pancen cepet banget. Kanca-kanca ya pada seneng karo aku, terutama sing pada nduwe gank utawa geng. Geng-e bocah ndesa tur ndesani ya palingan sing digarap mung nyolong tebu. Nah kemampuan mlayu kuwe dibutuhna banget neng geng nyolong tebu, soale kebon tebu kan mesti dijaga mandor sing biasane ya ngingu asu.

Nah neng sawijining dina nyong nyolong tebu karo anggota geng, nyong pangkate wis mundak dadi jenderal. Nyong sing mimpin operasi nyolong tebu. Lha ketiwasan temenanan. Pas lagi asik milih tebu neng kebon tebu bagian njero (bagian njero tebune biasane lewih gede tur luwih legi), ijig-ijig pethukan karo mandor tebu.

Kaget banget inyonge! Apa maning mandore nyancang asu herder gede-gede ana rong iji. Ora ngenteni aba-aba, nyong karo kanca-kancane nyong langsung pada pencilatan mlayu. Ana sing maring ngetan. Ana sing ngidul. Ana sing tetep nyangking tebu colongane. Ana sing pas kuwe lagi nguyuh trus mlayu, dadine sikile kesandung clanane. Mburi-buri konangan nek bocah kuwe mau tekan ngumah ora nganggo kathok.

Lha nyong, rumangsa bisa mlayu, nyong mlayu njikut arah sing paling adoh. Siale nyong sing diudag-udag asune. Loro pisan. Angger nyong bisa nyawang raike dewek ndean nyong bisa weruh nek raine nyong pucet banget pas kuwe.

Ning dasare nasib lagi apes, masa iya nyong bisa menang lawan asu herder? Untung ana kali, ora patiya amba, ora patiya jero. Nyong mlumpat, biasane nyong bisa nglumpati ning pas nyong ancang-ancang eh asune ana sing brasil nyokot bokonge nyong. Dadine nyong ora bisa nyebrang. Wis kecokot asu, nyong teles klebes kejebur kali.

Bar kuwe nyong ora seneng mlayu.

SMP, nyong tambah males olah raga, kiye gara-gara guru olahragane galak banget. Neng ngendi-endi nggawa garisan dadine nek ana sing salah langsung disabet neng bokong.

SMA, luwih-luwih. Nyong ditetapna dadi wong sing males olah raga.

Trus pas sinau neng kene, hah! nambah malese olahraga….

KAPAN YA NYONG BISA RAJIN OLAH RAGA???

Gambar dijepret bojo, modele wong-wong kantore sing lagi main volley

Berbagi

Lenga Latung, jerene arep mundak. Tapi untunge sing mundake ora ketulungan ya neng Betawi.

Ayo balik maning golet suluh neng kebon trus nggo masak. Ora usah mangan tempe, ora usah nganggo lenga goreng, ora usah nganggo lenga latung… Pokoke ora usah urip sekalian nek wis bingung! Jan arep mangan apa??? Jajal waca kiye ya!!

Kiyeh rega latung medio desember 2007 sumbere kiye.

Hiks! Siki regane wis pira?

Gambar dijikot sekang kene.

Berbagi